هنغلى الكلام

حد عاقل يقول ان شركات الاتصالات اللى اساسا معموله علشان تكسب يعنى استثمارات بملايين ترخص دقيقه المحمول على مدار 3 سنين من 150 قرش للدقيقه الى 15 قرش فى الدقيقه وتلغى الاشتراك وصلاحيه مدى الحياه واتكلم ببلاش و .............

وفى الناحيه التانيه الشركه المصرية للاتصالات اللى خصخصوها وجت على دماغنا

اشتغلونا وحده وحده

معلش يا مشتركين يا اعزاء هنخلى الفاتوره كل 3 شهور بدل من كل 6 شهور .......ماشى

يا شعب مصر احنا هنققل المكالمات المجانيه شويه .... ماشى

طب هنزود اشتركات الخدمات ........ ماااااااااااااااااااااااااشى


والنهارده نصطبح بخبر بيقول

انهم هيزودوا اسعار المكالمات 50 فى الميه يا حلاوه لا وقال ايه كان الاقتراح 150 بس هما خلوها 50 فى الميه بس علشان الشعب المصرى الطيب

لا وكمان هيزودا الاشتراك

والسبب اكيد

ارتفاع الاسعار العالميه



وبعد ما غلو كل حاجه ودلوقت غلو الكلام

الحمد لله انى لسه فى عهد حكومه نظيف بتنفس هوا وان مكنش نظيف بس بتنفسه ببلاش