اهدار مال خاص

النهارده الصبح فى الدستور وعلى الصفحه الاولى خبر بيقول


مصادر: عز رصد 75 مليون جنيه لحملته الإعلانية والإعلامية لتجميل صورته


75 مليون جنيه يا احمد بيه

عزيزى احب اقولك ان ده اسمه اهدار مال هو صحيح مالك وانت حر فيه

بس اسمحلى اقولك انك معرفتش تحسبها صح

الحملات الصحفيه والاعلانيه تطلع فى دريم تنزل فى المصرى اليوم دا كله مش هيفرق معانا حاجه او بمعنى ادق مش هيفرق عند الناس اللى فى الشارع حاجه لان الناس اساسا ممعهاش تجيب عيش لما هتشترى جرايد ولا معظمنا عندنا دش

يبقى انت حسبتها غلط ولا لا

الصحفى اللى هياخد منك القرشين علشان يطبل ويزمر ويحيى عز عاش عز هو الوحيد المستفاد لان الفلوس هتتدخل جيبه هو

وانت صورتك كل يوم بتزيد سوء

اما لو كنت حسبتها من ناحيه تانيه وكنت استغنيت عن المبلغ ده من ارباح حضرتك ونزلت سعر الحديد مش هقول الف جنيه لا 500 بس او حتى 100 كان هيفرق مع الناس الغلابه كتير ...

فى الوقت ده كان ممكن نقول مع الاستاذ ابراهيم عيسى

ارفعوا ايديكم عن احمد عز