اوعى يابنى تورح جنب الفيس بوك
حاضر يا بابا
اوعى يا بنى تروح تلعب مع العيال بتوع المدونات
حاضر يابابا
ولو حد منهم قالك تعال هاتلى حاجه او خلى الحاجه دى معاك اوعى تسمع كلامه
حاضر يا بابا
انا مفيش صحه اقف فى الطابور اجيبلك عيش علشان احطوهلك مع الحلاوه
لا متخفش
شوفت عملوا فى اسراء ايه ودى بنت يا بنى اما الرجاله فعلى سجن برج العرب او
وادى النطرون
لا خلاص يابابا
اقولك احنا نفصل النت احسن ونبعد عن الشر
اللى تشوفوا يا بابا
الحديث ده لم يتواجد على الساحه الا بعد اضراب 6 ابريل
انا اتذكر قبلها كان كل خوف الاهل من دخول النت للبيت هو المواقع الاباحيه وهاجس
ان النت معلهوش حاجه غير افلام سيكو سيكو
اما بعد احداث 6 ابريل والفيس بوك
بقت التليفزيون والجرايد وحتى السينما
بتتكلم عن الفيس بوك
كان الاول الاهالى بيخافوا على عيالهم من الاخوان او من الجماعات و اى حد مربى لحيته
دلوقتى بقى الاهالى كلهم مرعوبين على اولادهم من المسمى بالفيس بوك
وانتقل الخوف على الاولاد من الناحيه الاخلاقيه والمواقع الاباحيه الى الناحيه المقابله
الناحيه الاجتماعيه والمشاكل الامنيه
فالان صار الرعب كل الرعب من السياسه الالكترونيه وكل الاهلى حافظين رباعيه صلاح جاهين
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
الاشتراك في:
تعليقات الرسالة (Atom)
هناك 4 تعليقات:
هههههههههههههههههههههههههههه
عندك حق
وعلي رأي المثل أضرب المربوط يخاف السايب
بس علي مين
هو احنا بنخاف
من وري الأهالي برضه هانقعد
ده إدمان
وعلي رأي المثل الجديد نوقي
أحذر النت فيه سجن قاتل
حلو قوى المثل ده وفى مثل برده جديد نوفى بيقول
النت اللى يجيلك منه الريح disConnect واستريح
هههههههههههههههههههه
اولا اسم المدونة تحفه وضحكنى من قلبى بجد
لو لم اكن مصريا لارتحت نفسيا
هههههههههههههههه
ثانيا فعلا كلامك واقع
ربنا يكفينا شر الفيس بوك
ويبعدنا عن بسم الله الرحمن الرحيم الحكومة ههههههههههه
اللهم امين
وميرسى لتشريفك
إرسال تعليق